नेपालगञ्जका कारागार प्रमुख श्यामलाल लामिछानेलाई यसवर्षको उत्कृष्ट जेलरका रुपमा मंगलवार सम्मानित हुनुभएको छ । पीडित जनसेवा संघ काठमाडौंले देशभरका ७४ वटा जेलको स्थलगत अध्ययन अनुगमनपछि नेपालगञ्जमा आयोजना गरेको कार्यक्रममा जेलर लामिछानेलाई (वेष्ट जेलर अवार्ड २०११ ) बाट सम्मान गरेको हो ।
क्षमता भन्दा बढि कैदी तथा बन्दी भएपनि नेपालगञ्ज कारागार प्रशासनले कैदी बन्दीको नैतिक, समाजिक सुधार तथा उनीहरुको आर्थिक तथा स्वास्थ्यमा विशेष ध्यान दिएको पाइएको संघका निर्देशक दिनेश न्यौपानेले जानकारी दिनुभयो । २०० क्षमताको नेपालगञ्ज कारागारमा अहिले ३४८ जना कैदी तथा बन्दी छन् ।