कोलम्बोमा जारी घरेलु टोली श्रीलंका र भारतवीचको दोश्रो टेष्ट म्याच बराबरीतर्फ धकेलिएको छ । आज अन्तिम तथा पाँचौ दिनको खेल शुरु हुँदा भारतको पहिलो पारी समाप्त हुनेछ । आजै श्रीलंकाले दोश्रो पारी शुरु गरेर भारतले जवाफी ब्याटिङ शुरु गर्दा समय नपुग्ने निश्चित भएकाले खेल बराबरीतर्फ अग्रसर भएको हो । हिजो चौथो दिनको समाप्तीमा ९ विकेट गुमाएर ६६९ रन बनाएको भारतले १० रनमा अविजित इशान्त शर्मा र खाता नखोलेका प्रज्ञान ओझाको साथमा खेल अघि बढाउनेछ । पहिलो पारीमा श्रीलंकाले ४ विकेटको नोक्सानीमा ६४२ रन बनाएर पारी समाप्त गरेकोमा चौथो दिन भारतले ६६९ रन बनाउँदै २७ रनले उछिन्न सफल भएको छ । माष्टर ब्लाष्टर सचिन तेन्दुलकरको ४८ औं टेष्ट शतकका क्रममा २०३ रन जमेपछि भारत दोश्रो टेष्ट बराबरी बनाउन अग्रसर देखिएको छ । पहिलो टेष्ट म्याच श्रीलंकाले जितेको थियो । यसैबीच, पाहुना टोली पाकिस्तानविरुद्धको पहिलो टेष्टको पहिलो दिन घरेलु टोली इङ्ल्याण्डले सामान्य शुरुवात गरेको छ । चार टेष्ट श्रृंखला अन्तर्गत नोटिङघममा खेल शुरु गरेको इगल्याण्डले शुरुवाती चार ब्याट्सम्यानलाई सस्तैमा गुमाएपनि इओन मोर्गान र पल कलिङवुडको साझेदारीमा प्रदर्शन सुधारेको छ । हिजो १२५ रनमा नट आउट मोर्गान र ८१ रनमा नट आउट कलिङवुडले नेपाली समय अनुसार साँझ दोश्रो दिनको खेल अघि बढाउनेछन् ।