एकीकृत नेकपा माओवादीका अध्यक्ष पुष्पकमल दाहाल प्रचण्ड र नेपालका लागि अमेरिकी राजदूत स्कट एच डेसिसिबीच भेटवार्ता भएको छ । बिहान पार्टी कार्यालय पेरिसडाँडामा भएको भेटवार्तामा प्रधानमन्त्री छान्ने प्रक्रिया, सेना समायोजन र संविधान निर्माणका बारेमा डेलिसिले चासो राख्नुभएको थियो । एकीकृत नेकपा माओवादी अध्यक्ष प्रचण्डले छिट्टै नयाँ सरकार बन्ने र त्यसपछि सबै समस्या समाधान हुँदै जाने बताउनुभएको थियो । यसअघि डेलिसिले काङ्ग्रेसका कार्यवाहक सभापति सुशील कोइराला, एमाले अध्यक्ष झलनाथ खनालसँग छुट्टाछुट्टै भेटवार्ता गर्नुभएको थियो । यसैबीच आजै अमेरिकी राजदुत स्कट एच डेलिसिले उप–प्रधानमन्त्री तथा मधेसी जनअधिकार फोरम लोकतान्त्रिकका अध्यक्ष विजयकुमार गच्छदारसँग पनि छलफल गर्नुभएको छ । मन्त्रालयमा भएको छलफलमा १७ गते हुने चुनावमा मधेसवादी दलले लिने निर्णयमा डेलिसिले चासो व्यक्त गर्नुभएको थियो ।